نصوص

النص المسرحي “أحلام الصبايا” للكاتب محمد الشرقاوي

 

تأليف: محمد الشرقاوي

كاتب مسرحي وسيناريست مصري

ـ

 

الشخصيات

ولاء——— شابة في سن الثلاثين .

لمياء ——– جارة ولاء فى نفس السن تقريبا .

حسناء——- جارة هى الاخرى فى العشرين (سمينة

جدا )

رجاء ——- صديقة ولاء من الطفولة.

سناء ——– مذيعة بالتلفزيون .

****  مجاميع وحسب رؤية المخرج ****

 

 

مع التمنيات بالتوفيق

 

 

 

 

 

 

 

 

 

 

 

 

 

 

 

المشهد الأول

المسرح عبارة عن شقة فقيرة جدا يوجد على خشبة المسرح كرسى وكنبة ودولاب بية تلفزيون من النوع القديم لايعمل اللى بالضرب علية . تكون ولاء نائمة على الكنبة تسمع طرق على الباب . تنهض من نومها

وهى جالسة على الكنبة .

ولاء       مين اللى بيخبط . مين على الباب .

( صوت حسناء الجارة )

حسناء     انا حسناء افتحى .انتى لسه نايمة .

( تقف من مكانها وتتجة نحو الباب وتفتحة )

هو انا كل مرة هاقلك افتحى الدرفة التانية .

( تفتح ولاء درفتة الباب الاخرى تدخل حسناء

المسرح  ) هو انت مابتفتحيش على

طول لية . انتى لسة قايمة من النوم .

ولاء       ايوة .انتى جاى بدري ليه كده .

حسناء     جاية افطر معاكى. رحت عند لمياء قالتلى

اسبقيني وأنا جاية وراكى بالفطار نفطر كلنا

مع بعض .

ولاء        كلنا مين ؟

حسناء      انا وانتم .

ولاء         هو انتى ناوية تكلى معانا.

حسناء      ايوة .

ولاء        ايوة . يبقى جعنا والحمد للة.

حسناء      بتقولي اية.

ولاء      لاء . ولا حاجة .ولمياء عاملة حسابة على

كده . قلتلها يعنى .

حسناء    ايوة.

ولاء      ايوة . يخراب بيتك يا لمياء .

حسناء    بتقولي اية.

ولاء      مفشي ولا حاجة ( دق على الباب )

ولاء      الباب مفتوح ادخل ياللى بتخبط ( تدخل لمياء

تحمل صينية على يديها عليها الطعام تتحرك

حسناء بسرعة نحوها تاخذة منها تضعها  على

الأرض وتجلس تلتهم الطعام بسرعة )

لمياء     تعالى نفطر ( يهموا بالحركة يكتشفوا ان

حسناء وقد التهمت الطعام كلة . ينظروا

الى بعضهم )

حسناء   الحمد للة فين الشاى ( ولاء ولمياء فى صوت

واحد )

الاثنين   يخرابى  . فين الاكل .

حسناء   هو انتم لسة مافطرتوش .

ولاء     فطرنا والحمد للة .وهانشرب الشاى كمان .

اعملك حلة معنا .ولا انتى لسه ما اكلتيش ؟

حسناء   اشرب الشاى وبعدين اروح افطر .

لمياء     حرام عليكى نفسك مش كدة حرام . هاتروحى

فين بعد كدة.مش لقيلك عريس ولا لبس .اهلك

سيبنك طلقينك كده على الناس ومريحين دمغهم .

حسناء   انتى بتعيرنى انا الف ميت واحد يتمنانى بس انا

اللى مش عايزة اتجوز وانتى عارفة كدة .صح

ولا . لاء .

ولاء    صح . انا هاروح احضر الفطار نفطر. وبعدين

نشرب الشاى . هاتفطرى معانا يا سفاية .

لمياء     ( تضحك ) حلوة سفاية دى.

حسناء    هى مين سفاية دى .وحدة صحبتك .

ولاء      ايوة ( تدخل الى المطبخ . تهم لمياء على

حسناء وتلقيها على الارض وتضربها بحب )

ولاء       ( تدخل وهى حاملة على يديها صنية بها طعام

تفاجاة بالمنظر . تضحك تضع الصنية على

الارض وتجلس. يا كلون )

لمياء        انتم تعرفوا نفسى فى اية .

حسناء     تفتحى مطعم وتشغلينى فية .صح .

ولاء       في اية . لاء طبعا .

لمياء      نتجوز كلنا فى يوم واحد .

ولاء      لو كان مقدر لنا نتجوز. كنا اتجوزنا من زمان

يعنى وحدة ذى دى ( تشير على حسناء )

تعرفى تقوليلى مين عندة استعداد يضحى

بحياتة ويتجوزها . ولا انا مثلا فقيرة ومعدومة

مين يفكر يتجوزها . ولا انتى بتشتغلى على

شان تسعدى اهلك على المعيشة على شان

خاطر اخواتك السبعة . يا بنتى احنا عايزين

معجزة مش نتجوز .

حسناء    صحيح عايزين معجزة .

ولاء      مش كدة برضة فهميها .

لمياء      ياستى يعنى اللى اتجوزوا عملو اية .

حسناء    يوةةةةةةة . عملوا كتير .

ولاء       ذى اية.

حسناء    بيكلوا. وبشربوا. ويناموا .

ولاء      هو انتى همك على الاكل على طول كده .

حسناء    يعنى يكون همى اية اكتر من الاكل .

لمياء      العشرة . الحب . الاولاد .الراجل اللى

يضلل علكى .

حسناء    دا اكلوا بسنانى الراجل اللى يضللنى دة.

لمياء      يضلل عليكى مش يضللك .يعنى يحبك

يحميكى من غدر الزمن .يحسسك بانوثتك .

حسناء    ليه هو انا ماعنديش انوثة ولا اية .

ولاء      انتى الوحيدة فينا اللى انوثتك واضحة جدا

لاء . واية بزيادة قوى ( يضحكوا )

الجواز سترة . سترة البنت اللى عايزة تعمل

بيت واسرة واولاد .

لمياء     انا برغم كل اخواتى دول اللى بحسن براحة

أبويا وامى وهما نيمين جنب بعض. وهما

سعداء بعد صراع يوم طويل .علىشان لقمة

العيش. والعيشة . تلاقى فية حنان.

وود ومحبة .

ولاء    طبعا انتىى ماتعرفيش حاجة عن المواضيع دى.

حسناء    ليه . هو انتم مفكرنى اية حيوان حتى الحيوان

لة احاسيس ومشاعر. انا ذيكم  ويمكن اكتر

منكم كمان .بس الفرق اللى بينى وبنكم انى مش

لقية حد يحبنى .دا على شان جسمى .هوانا مش

خلقة ربنا والكمال للة وحده

ومحمد رسولة . انا نفس احب واتحب .

ذى باقى النا س انا انسانة برضة ….

احنا هانعكنن على نفسنا لية هواحنا مش ها

نشرب الشاى ولا اية.

ولاء     حاضر هادخل اعمل الشاى ( تهم بالخروخ

خبط على الباب ) مين على الباب ادخل الباب

مفتوح ( يستمر الخبط على الباب ) مين انت

ياللى بتخبط . اروح اشوف مين ( تتحرك اتجاة

الباب تفتح ) نعم. انتى مين . اتفضلى.

( تدخل بنت فى العشرين فى ملابس انيقة وفى

يدها شنطة )

سناء        انا حضرتك مندوبة شركة ام . ام .اس

انتى ولاء .حضرتك مدام ولاء.

ولاء        مدام يسمع منك ربنا .

سناء        حضرتك بتقولي حاجة .

ولاء        ايوة انا  ولاء اى خدمة .

سناء        حضرتك بعتى فى مسابقة فى شركتنا من

حوالى شهر عن طرق التلفزيون.

ولاء       ( تتذكر ) اة .ايوة . ايوة من شهر تقريبا لية

فية حاجة ؟

سناء       الف الف مبروك لحضرتك. انتى كسبتى                 ع            معانا مليون جنية .

ولاء        مليون جنية ( تقع مغشى عليها . ترى حسناء

ذلك تلطم وتصرح وتجرى عليها وترتمى

فوقها )

حسناء     اختى حببتى هاتسبينى لمين. يا ماكلانى

مشربانى . يا غالية . هاتسبينى لمين يا

حببتى ( يحولوا ان يرفعوها من على ولاء

بعد فترة . يشدوها من عليها . تصرخ

رجاء ترى المشهد تصرخ هى الاخرى

وترتمى على ولاء)

لمياء       فوقى اية اللي حصلك .( تدخل رجاء ترى

هذا المشهد تفزع تتجة إلى ولاء مسرعة )

رجاء       حببتى مالك فية اية اللى حصل .

حسناء      ماتت. ماتت ياختى ( تصرخ هى ورجاء )

لمياء     لاء. لاء . لسة فيها النفس. شوية مية بسرعه

( تجرى حسناء لتحضر كوب الماء وعندما

تصل اليهم تشربة )

رجاء      خلاص.خلاص فاقت .خلاص .

ولاء       فية اية .هو اية اللى حصل.

لمياء      الف مبروك. كسبتى مليون جنية .

رجاء      مليون جنية .

لمياء      ايوة مليون جنية .

المندوبة   حضرتك تشرفينا فى الشركة لااستلام الشيك

وهاتى معاكى الاوراق المطلوبة كلها .ولا

احسن احنا نجى .

حسناء    تعالوا انتم احسن. ونكون محضرين غدا نتغدا

كلنا مع بعضنا .ويبقى عيش وملح .

المندوبة   عن اذكم انا هاجى كمان ساعتين على ما

تحضرى الاوراق سلام عليكم . غدا اية .

ولاء       مليون جنية .هاعمل بيهم اية .

رجاء      تعملى بيهم اية؟

لمياء      تعيشى .ونعيش كلنا بقى ونشوف الدنيا.

ولا أنت  ناوية على اية؟؟؟

حسناء     ناوية على اية . تكونيش فاكرة انها ممكن

تسبنا لاء .انا تفتحالى مطعم وانتى تجبلك شقة

وتعملك مشروع كبير . وانتى تجبلك عربية

والباقى تخدة هية تتصرف فية.

ولاء      بس كدة .على عينى هاعملكم كل اللى نفسكم

فية . بس كده . حاضر حاضر .

حسناء    انا الاول ( اضائة على مكان ما بالمسرح يكون

عبارة عن مطعم تكون جالسة حسناء وحدها

على تربيزة وعليها طعام كثير تاكل بشراهة .

ويكون جالس على تربيزة اخرى لمياء هى

ورجاء وولاء )

ولاء    من يوم مافتحت المطعم وهية بتاكل بس. مافيش

حد بيدخلها.

لمياء     ياستى .خليها تاكل.

لمياء     انا خايفة عليها من كترت الاكل دى .

رجاء    هية حرة .

لمياء     الواحد بياكل علىشان يعيش .

رجاء    وهية بتعيش علىشان تاكل  .

ولاء     وبعدين والحل.

لمياء    انا هاروح اوقفها عن الاكل دة .

رجاء    لاء سبيها .لما نشوف اخرتها اية.

لمياء     ربنا يستر عليها .

ولاء      مش عارفة اعملها اية .

لمياء     سبيها ( فجاة تقع حسناء على الارض يجروا

نحوها يكتشفوا انها تنهج بشكل مبالغ فية .

رجاء    بسرعة شليها معايا ( يرفعوها من على الارض

اظلام فى هذة المنطقة . اضائة فى مكان اخر

تكون حسناء نائمة على سرير وتتالم .

حسناء   اة . اة . جعانة هاتولى اكل جعانة .

ولاء     اكل اية. الدكتورمنعك من الاكل خالص .

حسناء   ليه .هو حصل اية ؟

لمياء     الحمد للة انقذناكى باعجوبة .كنتى هاتموتى .

رجاء    جاتلك تخمة من كتر الاكل. والدكتور منع عنك

الاكل كلة .

ولاء      تعيشى على المسلوق لمدة سنة .

حسناء     ماشى مافيش مشاكل .

ولاء      خلاص ماتطلبيش اكل بعد كدة.

حسناء    نعم .

رجاء     هو كدة .

حسناء    مش الدكتور قال اكل مسلوق.

ولاء      ايوة .

حسناء    خلاص اسلقولى جوز فراخ ( الثلاثة فى

نفس واحد يصرخون اظلام . اضائة على

لمياء)

لمياء    مشروع وشقة . اة ياسلام ( اضائة على لمياء

وهى جالسة خلف مكتب وامامها يجلس ولاء

وحسناء ورجاء . تكون حسناء بيديها سندوتش

تاكل فية ) منورنا يا جماعة انتى لسة بتكلى

ماحرمتيش .

حسناء   العمر واحد والرب واحد. ياستى خليها على

اللة .وبعدين محدش بيموت ناقص عمر .

رجاء    بس ممكن يعيش بالمرض. ولا مش كلام .

ولاء     سيبك منها. انت عاملة اية فى الشغل .ماشى

كويس .

لمياء  الحمد للة ماش كويس. بس اخواتى كلهم مزعلنى

حسناء   لية مابيكلوش .ولا الشقى صغيرة عليهم .

لمياء    الشقة من كبرها عليهم بيتخنقوا على الاود. مين

يقعد هنا ومين يقعد هنا. وابويا ساب الشغل وقعد

في البيت .وفى مشاكل مع امى على طول .الظاهر

ان كترت الفلوس بتسبب مشاكل .اخواتى

بيسرقونى.اخويا الكبير اتعلم شرب المخدارت

والصغير بيجرى وراى البنات. وكل واحد بقى

فى وادى .

ولاء     وانتى .عاملة اية معاهم ؟

لمياء     مش قادرة عليهم.

حسناء   مفيس عريس ولا حاجة.

منين    هو انا بشوف رجالة خالص. من الشغل للبيت

ومن البيت للشغل .فى ساقة.

رجاء   والحل ( يدق جرس التلفون )

لمياء    الوة . مين . اية . قسم اية . لاء جاية على

طول مسافة السكة.

ولاء     فية اية اية اللى حصل .

لمياء    مسكوا اخويا وهو معاة مخدرات ( اظلام .

اضائة على رجاء )

رجاء   عربية والعربية هاتجيب العريس. والعريس

هايجيب الشقة .والشقة تبقى تمليك وانا ابقى

ست البيت. ماحدش يقدر يقولى انت فين رحتى

فين .اية اللى اخرك. ومفيش خروج بعد كده

مفهم وأنا افضل اقول حاضر .حاضر .حاضر

اللة يرحمك يا ولدى. خليت اعمامى يتحكموا فية

موت وسبتنى انا وامى ليهم.انا بنت ذى باقى

البنات نفسى البس. واعيش سنى لكن امتى ولية

وازى .انا عايزة احس انى انسانة هما مايعرفوش

بان الوحدة تقدر تعمل كل اللى هية عايزة لو

حتى الدنيا كلها وقفة اصدها .مش عارفين . لكن

البنت الكويسة المتربية ماتخرجش عن اسلوبها

ولا دينها ابدا. بس حرام. حرام .نفس اعيش لما

تجى العربية ( اظلام على رجاء واضائة فى

مكان ما بالمسرح يكون بية ماكت سيارة ويكون

واقف امام السيارة ولاء ولمياءورجاء وحسناء

يدفعوها لكى تدخل السيارة لا يعرفوا)

رجاء   وبعدين. احنا نروح المشوار فى عشر دقائق

وندخلك فى ساعة ونص.ااقول حاجة المرة

دى هاخرج لوحدى سلام عليكم . تركب السيارة

وتشير لهم بيديها ) سلام ( تخرج من المسرح

نسمع صوت اصددام السيارة يجرو ا اليها )

اضائة على ولاء وهم حولها مرة ثانية )

رجاء  اية بقيتى كويسة دلوقتى .

ولاء    الحمد للة .

لمياء    ماقلتلناش. هاتعملى اية بقى بالمليون جنية .

ولاء       مليون جنية .

حسناء     ايوة قولننا هاتعملى اية ( تقف فى مكانها

وحدها اضائة عليها فقط )

ولاء        اعمل اية . اعمل اية . مليون جنية جاتلى

جاتلى من السما . افتح مصناع اشغل فيه كل

اللى عايز يشتغل. ابنى مساكن للى عيز يسكن

اتجوز واعيش ذى باقى الناس .يكون ليه بيت

. بيت. بيت  واعيش واتهنى .اعمل كل

اللى نفسى فية البس … عندى فستان واحد

في الصيف اقول علية صيفى. وفى الشتا اقول

علية شتوى اشترى بدل الجزمة عشرة .

انا في البرد والمطر. المية بتدخل فى رجلى

كفايا فقر. كفاية ذل .كفاية حرمان .اسافر الف

الدنيا كلها واشوف ناس خلاف الناس. انا تعبت

من قلة مافيش مافيش. وانا عايزة عايزة .

ودة من حقي كا انسانة نفس اكل كل يوم صنف

من شكل اغير فستان عربية شقة اتجوز راجل

يحبنى واحبة يحبنى واحبة ( تبكى . اضائة

على المسرح كلة . يدخلو عليها وهم يبكون )

لمياء     بكرة الفلوس هاتيجى واعملى اللى انتى عايزها

ولاء    اللى انا عايزها . بس برضة نكمون مع بعض.

رجاء     ربنا مايحرمنا مكن بعض ابد

حسناء    يارب وناكل كلنا مع بعض لقمة سمينة دسمة

ترم عظم الواحدة مننا .

لمياء      هو مافيش عندك سيرة غير الاكل .

حسناء    هو فية حاجة احسن من الاكل .

رجاء      قومى حضرى الاوراق زمانة جاية .

حسناء     وأنا هاقوم اعمل لقمة احسن هافتانة .

واعمل الشاى .

ولاء       اوراق اية .

رجاء      هية مش بتقولك حضرى الاوراق على

ماجى.

ولاء       بس انا مش عارفة اوراق اية اللى هية

طلبها .

رجاء      البطاقة عقد الشقة .دى الاوراق اللى بيطلبوها

ولاء         حاضر احضر البطاقة وعقد الشقة ( تخرج

من المسرح . تدخل حسناء وفى يدها

سندوتش وكوب شاى تاكل وتشرب )

حسناء        ولاء فين .

رجاء        جوة بتجيب البطاقة وعقد الشقة ( طرق

على الباب ) مين .

سناء          انا المندوبة ( تجرى حسناء الى الباب

وتفتح تدخل المندوبة وفى يديها حقيبة )

مساء الخير . هية فين مدام ولاء .

حسناء        ( تنادى عليها بصوت عالى مبالغ فية )

يا ولاء . يا ولاء . انتى ياولاء . المندوبة

هنا وعايزاكى ( تدخل ولاء وفى يديها

الاوارق وتتحرك فى فرحة  )

ولاء         اهلا وسهلا .الاوراق اية ( تاخذها منها

تقلب فيها )

سناء        فين عقد الزواج .

ولاء       جواز اية. انا مش متجوزة .

سناء       اذى مش متجوزة .

ولاء       مش متجوزة. بتاع ربنا. ليه هو فية اية.

سناء       يبقى انتى ماقرتيش المسابقة كويس.

ولاء       قرتها لية .

سناء       من الواضح انك دخلتى المسبقة بدون علمك

بالشروط . واهم شرط في المسابقة تكونى

متزوجة  .وطالما انتى مش

متزوجة اذا يبقى انتى برة المسابقة . انا

اسفة كان نفسى تكونى سعيدة الحظ اسفة عن

اذنكم ( تخرج ) خسارة .

ولاء      متجوزة . بس انا مش متجوزة .

لمياء     طيب نجوزك. وميت الف واحد يتمنى وحدة

عندها مليون جنية .

حسناء    ايوة نجوزها .

رجاء    ميت الف واحد. ملعونة دى جوازة .لاء .

تفضل كده من غير فلوس وجواز.

لمياء      ليه الفلوس تشترى اى راجل .

رجاء     لاء. دا مايبقاش راجل .

حسناء    تتجوز وبعدين يحبوا بعض بعدين .

رجاء     عمر الحب ما اتشرى بالفلوس .

لمياء     دول مليون جنية.

رجاء     ولو ميت مليون جنية يعملوا راجل .

حسناء    والمطعم والاكل .

رجاء     لو كان القمة هاتيجى بالرحة مش هاتشبعك .

لمياء      واخواتى. وابويا وامى. وأنا والشقة .

رجاء     طول ما احنا بنتوكل على الغير. مافيش حد

هايتقدم خطوة .

حسناء    وانتى والعربية والعيشة المستريحة.

رجاء     افضل اكل عيش وملح .احسن ما اعيش زليلة

مستنية حد يرميلى لقمة.

لمياء      الفلوس .

رجاء     تجى بالحب .

حسناء    المطعم .

رجاء     يجى بالحب .

ولاء      ( تحدث الجمهور ) مافيش راجل يتجوزنى

معايا مليون جنية . راجل واحد بس عايزة

اتجوز دول مليون جنية يا ناس راجل اتجوزة

 

 

بلاك النهاية

مع تمنياتى بالتوفيق

محمد الشرقاوى

 

 

 

 

 

 

 

 

 

 

 

 

 

 

 

 

 

 

 

 

 

 

 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى