مسرح طفل

“بنت السيرك” نص مسرحي للطفل.. للكاتب الكبير: أحمد زحام

أحمد زحام

 كاتب مصري

ـ

المشهد الاول

 

المسرح مفتوح ستارته المسرح خالي من مكونات العرض عدا خلفية المسرح هناك ستارة مرسوم عليها  مكونات السيرك من العاب ويتم استخدام تقنية الحركة بحيث لا تتصبح هذه المكونات ثابتة  بل متحركة

وبين الحين والحين نسمع اصوات الاسود والقردة والافيال

اصوات  مختلفة  :  يامخلوف . يامخلوف .

المذياع الداخلي للمسرح : يامخلوف .. يامخلوف

من رأى منكم مخلوف يخبره بانه مطلوب  عند صاحب السيرك

صوت مختلف عبر المذياع الداخلي للمسرح :

يامخلوف . يامخلووووف ، من منكم إسمه مخلوف ، من إسمه مخلوف                    يتصل بمدير السيرك .

يظهر احد الصبية من العاملين فى السيرك : يامخلوف..يامخلوف.. (ينظرفى وجوه                    الجميع  وهو واقف على خشبة المسرح باحثا عن مخلوف ) الم ير احدا                   منكم  مخلوف  مخلوف . أين انت يامخلوف  ؟

..( يقف فجاة وينظر فى وجه احد الجالسين ) مخلوف. يا مخلوف

.

انت اية اللي مقعدك هنا.. كمان عايز تلعب دور

الجمهور.. مش كفاية عليك دور المهرج، ودور لاعب

العقلة ودورمروض الأسود.. انت سايب حاجة في

السيرك لحد ..ياله تعالى المدير عايزك .. ( يدقق النطر

فى وجه الجالس) لا انت مش مخلوف.. (يبدأ فى

التحرك باحثا عن مخلوف) ..مخلوف .. (يختفى من

المسرح) .

مخلوف   : (يدخل رجل يرتدى ذى المهرج , يدخل ويجلس على

أحد المقاعد بالمسرح  . يخلع قناع المهرج من على

وجهه  ) وأدى قاعدة.. (يخاطب الجمهور ) المهم ان

الواحد يرتاح ، لما يتعب يرتاح ..والراحه مهمه لجسم

الإنسان  .

: (صوت يأتى من خارج المسرح،الصوت هذه المره

مختلف  ) يا مخلوف. يامخلوف .

مخلوف   :   (مخلوف يلتفت الى مصدر الصوت ) وهاتيجى

الراحه منين .

: (يدخل قزم وفى يده صفاره) انت رحت فين ؟

مخلوف   :  اناهه

القزم      : وايه الى جابك هنا ؟

مخلوف   : قلت ابعد عن الهيصه ودوشة السيرك واجى اقعد

هناارتاح شويه .

القزم      : معاك حق (يسكت قليلا ثم يتحدث ) بس ايه الحكايه انا

سمعت من شويه حد بيندهلك ،طول اليوم يامخلوف

..يامخلوف.. اسمع انا عندى رأى مش عارف حيعجبك

ولا ايه ؟.

مخلوف   : قول يانونو

القزم      : انا اسمى مش نونو..انا اسمى نونو

مخلوف   : قول يانونو

القزم      :  ( يقترب من مخلوف ويضع يدة فوق كتفه..يلاحظ ان

مخلوف ينحنى كثيرا حتى يقارب نونو فى الطول )غير

اسمك (يترك مخلوف ويتشقلب على المسرح فرحا

باقتراحه ) ايه رأيك ؟

مخلوف   : مش فاهم

القزم      : ( يتجاوران ) ما هو انت لما تغير اسمك ويندهولك يا

مخلوف مش هاترد .

مخلوف   : ازاى ؟

القزم      : انا اقولك ، انا ها اختارلك اسم .

مخلوف   : اختار

القزم      : انااخترت لك اسم فرحان

: (صوت يأتى من الخارج ) فرحان .. فرحان

القزم      : شفت ماقالوش يامخلوف ..قالوا ايه فرحان ..ياله رد

صاحب   : (يدخل صاحب السيرك وهو رجل بدين ) هوه انا كل ماعوز واحد                اندهله

القزم      : ( يقف امام صاحب السيرك ) انا لى راى بدل ما تنده

صقف .

صاحب   : ( صاحب السيرك يحاول الاقتراب منه والامساك به ،  فيفلت منه ، ويقف بعيدا عنه )  هاتروح منى فين ..

اسمع أنت يامخلوف ( القزم يشير الى مخلوف ويطلب

منه عدم الرد ) أنت يامخلوف (مخلوف ما زال ساكتا

لا يرد )

يابنى رد

مخلوف    : انا مش مخلوف (القزم يصفق فرحا لاستجابة مخلوف

لاقتراحه ) أنا فرحان .

ص.السيرك: انت غيرت اسمك ، ما تزعلش ..اسمع يافرحان

( مخلوف يقترب منه )

عايزك فى شغلانه ، انت اخر شغلانه اشتغلتها كانت

ايه؟

مخلوف   : البلياتشو.

ص.السيرك: وقبلها ماذا كنت تشتغل  ؟

مخلوف   : لاعب عقله ، يتعلق فى الهواء .

ص.السيرك: وقبلها ؟

مخلوف   : كنت أمشى على الحبل .

ص.السيرك: أنا لا عارف أنا من غيرك كنت أعمل ايه  ؟

مخلوف   : انا تعبان النهارده زياده عن اللزوم ..عايز أروح ارتاح

ص.السيرك: ترتاح .. (منزعجا ) ..حرام عليك

مخلوف   : انا قلت حاجه غلط ( ملتفتا الى القزم الذى يحاول ان

يتصنت على حوارهما)

القزم      : ( يحرك يده بالنفى وكذالك الرأس )

ص.السيرك: انت عايز ترتاح وتسبنى مش مرتاح .

مخلوف   : والله ماانا فاهم حاجه.

ص.السيرك: حاجه ..دى اخرتها (يتودد اليه ) أخر طلب عايزه منك

وبعده روح على طول.

مخلوف   : خير .. مافيش فلوس ..حرام عليك .. دانا شغال عندك

ولا عشر شغلات ، أراجوز اشتغلت ..بلياتشو اشتغلت

، مشى على الحبل ومشيت واتعلقت فى الهوا وبعد كده

تقولى هاتروح وتسبنى ..انا عارفك ساعه الفلوس …

( القزم يحاول افهام مخلوف بالاشاره ولكنه لا يفهم )

ماتعرفش حد.

ص.السيرك: فلوس ايه ..انا عايزك فى شغلانه صغيره فى السيرك

تشتغلها قبل ما تروح .

 

مخلوف   : أنا أتأخرت

صاحب السيرك: أخر نمره وروح (القزم  يشاور بالنفى)

مخلوف   :لا مش هاقدر (يحاول الانصراف)

صاحب السيرك: ( يلحق به )انت حتمشى من غير ما تعرف

انا عايزك فى ايه ؟ )

مخلوف   : انا عارف هاتقوللى محمد الحلو مدرب الاسود

ما جاش النهارده. عايزك تلعب مع الاسود بداله .

صاحب السيرك : لا.. عرفت ازاى انك ظالمنى.

مخلوف   : أمال عايزنى فى ايه ؟، ما هى دى آخر نمرة.

صاحب السيرك: مدرب اسود ايه.. انت الاسود نفسها

مخلوف   : مش فاهم

القزم      : ( يضحك ويضرب كفاعلى كف ) .

صاحب السيرك: اسمع (يقترب منه ) اناها زودك فى الاجر ،هاديلك

فلوس زياده.

مخلوف   : انت عايز ايه بالظبط.؟

صاحب السيرك: الاسد .

مخلوف   : ماله ؟

صاحب السيرك: تعبان النهارده . ومش هايقدر يطلع يلعب مع محمد الحلو

مخلوف   : ( منزعجا ) يا خبر ابيض ،بتقول ايه ؟،الاسد؟!!

صاحب السيرك: ايوه هاتلعب النمره بتاعته ..قلت ايه ؟

مخلوف   : ابقى أسد ؟ !!!

صاحب السيرك:  وفيها ايه ؟ . مره فى حياتك تبقى اسد

مخلوف   :  ولو قلت لآ ؟

صاحب السيرك: يبقى ملكش شغلانه عندى ، وعشان ابقى راجل

يعرف الحق المستحق ها سيبك تفكرلحد ما تيجى نمرة

الاسد ومحمد الحلو . يعنى قدامك عشر دقائق (يخرج

وعند خروجه يحاول الامساك بالقزم الذى يفلت منه )

القزم      : انا مش عارف انت ليه مخلص فى عملك .

مخلوف   : ( حزينا )  هو يعنى ما فيش الا انا ؟

القزم      :     بتحب شغلك .    زى ما تكون انت صاحبه

مخلوف   : ما نا صاحبه .

القزم      : لا قول كلام غير ده ،اشتريته من امتى ، طب ما

دام انت صاحبه ، ليه بيعاملك كده ؟ .

مخلوف   :  انت مش فاهمنى .

القزم      : عايز تقول ايه ؟ .

مخلوف   : عايز اقول ان اى شغل انت بتشتغل فيه لابد تحافظ عليه

، لانه لو اتهد ها يتهد عليك .

القزم      : انا مش فاهم ، مرة تقوللى انك صاحب السيرك ومره

تقوللى ها يتهد .  ليه ؟ ما هو شغال كويس . وصاحبه

بيكسب من وراه فلوس كتير .. انت عارف ( اغنيه

تحمل معنى الحوار التالى :

كان نفسى ابقى  صاحب سيرك

يلف على كل الاولاد

فى كل البلاد

وابقى ملك

يتوقف عن الغناء كمن يبحث عن كلمات مناسبه )

لا انا مش عايز ابقى ملك ،

انا عايز ابقى صاحب سيرك

،ويبقى معايا فلوس كتير

وابقى بكرش كبيرزى صاحب السيرك

وهاجيب الفلوس منين .!!!!!!!!

من الاولاد الصغيرين اللى ها ييجوا يتفرجواعلى

السيرك بتاعى

(يتوقف مرة أخرى عن الغناء )

لا .لا .لا ، انا هاخلى السيرك بتاعى ببلاش ، الاولاد

الصغيرين يدخلوه ببلاش، طب هابقى غنى ازاى

ما عييش فلوس .. مش عارف . المهم اننا نفرح ونغنى

كل يوم ..( يخاطب الجمهور ) بس انا مش عايز ابقى

بكرش ،ومش عايز ابقى بوش مكشر ، يعنى باختصار

مش هابقى صاحب سيرك .

صوت صاحب السيرك:  ياعرقسوس. ياعرقسوس

القزم   : دانا..ايوه حاضر..انا جاى

صاحب السيرك: جهز النمره الجايه ، نمرة الاسود ومحمد الحلو..

(موسيقى ) .

 

 

 

 

المشهد الثانى

 

(الستار.. موسيقى لا تنقطع أثناء تقديم الفقره)

صاحب السيرك: والان سيداتى أنساتى ،أطفالى ، أطفالاتى ،أولادى

بناتى نقدم لكم العرض الذى انتظرتوه طويلا.. مع مدربكم محمد الحلو .

:(يخرج من الستار الممثل الذى يقوم بدور محمد الحلو)

صاحب السيرك:ها هو محمد الحلو….

🙁 محمد الحلو يطرقع فىالهواء كرباجه ).

(يفتح الستار عن قفص كبير بداخله الاسد الذى يزأر

زئيره المعتاد ، ومحمد الحلو يطرقع الكرباج فى الهواء

والاسد يزأر) ..(يختفى القزم من المسرح)

محمد الحلو : (يقترب من الاسد يحييه ، والاسد يرد عليه التحيه ،

أصوات الموسيقى التى تعزف ترفع ثم تسكت)

ياله ياسى أسد أخرج من القفص عشان نلعب سوا

(الاسد يهز رأسه بالنفى) ياله يا سى أسد .

(أغنيه يدعوا فيها المدرب الاسد بالخروج ، ويشرح

للجميع أهميه إدخال السرور والفرح على الاولاد

والبنات ،ودور أسرته فى هذا المجال ، أى انه متوارث

هذه الوظيفه أب عن جد ، ويدعو الأسد الى الامتثال لاوامره)

الاسد      : ( يحطم القفص ويخرج لمحمد الحلو، ويشرح هو الاخر

فى أغنية عن وجوده القديم فى الغابات،وعن كونه ملكا

للحيوانات،وعن الزمن الذى تغير وسيطر فيه الانسان

على الحيوانات وعن علاقته بأسرة المدرب ، واستغلال

الانسان له، وأنه من كونه ملك فى الغابه ،أصبح مجرد

لعبه فى يد الانسان.)

:(صوت المذيع الداخلى) والان نبدأ مع اللعبه الخطيره ها

هو المدرب يضع رأسه داخل فم الاسد ولا يخاف (الاسد

يفتح فمه ، ويزار وأصوات الموسيقى العالية تملا المكان

بدقاتها المتتاليه) .

صوت المذيع : هيا.هيا.انظروا.انظروا هاهوالمدرب محمد الحلو

يضع رأسه فى فم الاسد المفتوح ، والاسد ثابت فى

مكانه لا يتحرك . واحد . اثنين . ثلاثه. اربعه

(يخرج رأسه )

محمد الحلو : ياله ياسلطان أقف (يقف الاسد على قدميه ) امشى

(يمشى ) هيا (يقوم الاسد بكافة الالعاب التى نراها فى

السيرك مع المدرب ) .

صاحب السيرك: (يظهر صاحب السيرك فى أحد جوانب المسرح

مع القزم ) شفت ازاى مخلوف مهم فى السيرك

القزم      : كأنه أسد بحق وحقيقى

صاحب السيرك: مش عارف من غيره كنت هاعمل ايه ؟

القزم      : تعمل أسد

صاحب السيرك: اعمل أسد ،فكرتنى بنمرة الاسود

القزم      : بتفكر فى ايه ؟

صاحب السيرك: فى الاسود ،هاتبقى نمره تجنن .

القزم      :انت عايز تفتح الاقفاص على الاسود ؟

صاحب السيرك: ايوه ويقدموا استعراضهم اللى الناس بتحبه .

القزم      : لكن انت اتفقت مع مخلوف ان النمره دى مش ها تتعمل

صاحب السيرك: انت عارف الناس اللى قاعده تتفرج فاكره ان

الاسد ده بحق وحقيقى

القزم      : لكن انت عارف انه مخلوف ، والاسود اللى بحق

وحقيقى خطر عليه

صاحب السيرك: بس ها تبقى نمره تجنن.

القزم      : حرام عليك ، دول ممكن ياكلوه

صاحب السيرك: ( يترك القزم بينما مخلوف الذى يقوم بدور الاسد يقدم العابه المسليه مثلما كان يفعل الاسد الحقيقى )

القزم      : حرام عليك ، حرام عليك (يحاول اللحاق بصاحب السيرك الذى يختفى ) .

: ( أصوات موسيقى وطبول تعلن عن نبأ هام )

صوت المزيع الداخلى: والان مع نمره الاسود ( يطرقع محمد

الحلوكرباجه فى الهواء بينما يقف مخلوف عن الحركه )

ستشاهدون مدرب الاسود وهو يعلم الاسود

:   ( موسيقى .. الاقفاص تفتح ، يسمع صوت زئير

الاسود التى تندفع الى المسرح ،وتقف أمام محمد الحلو

فى انتظار أوامره ) ..

محمد الحلو : (يطرقع فى الهواء كرباجه ،الاسود ومعهم مخلوف

يؤدون التحيه الى الجمهور ) هيا .

(استعراض للاسود فى نهايته يؤدون التحيه للجمهور

، يخلع مخلوف بشكل غير ارادى القناع عن وجهه فتندفع

نحوه الاسود ،وتبدأ حركه المطارده والمناوره معهم

وأصوات اطلاق رصاص من القزم الذى يتدخل لانقاذه )

 

ستار

 

 

المشهد الثالث

 

( فى بيت البهلوان مخلوف ، مخلوف ممددا وملفوف

بالآشرطه الطبيه وحوله أصحابه ، المشهد غير كامل

الرؤية على المسرح ، فبيت مخلوف وأصحابه داخل

بؤرة ضوء ) .

صاحب1   : حمد الله على السلامه ( صوت الحوار بينهما له صدى

صوت كأنه يرن ).

مخلوف    : الله يسلمك.

صاحب 1  : كنت أسد مع الآسود .

صاحب 2  : قدها وادود .

مخلوف    : الحمد الله ،أنا كان همى أن النمرة ما تتلغاش والجمهور

ينبسط .

صاحب 1  : ياله خللى صاحب السيرك ينبسط .

صاحب 2  : ما هو السبب ؟!

صاحب 1  : أنتو مش كنتم متفقين مافيش أسود تطلع على المسرح

غيرك ؟

صاحب 2  : كانو متفقين ، لكنه غدر بيه .

مخلوف    : عارف محمد الحلو قال لى ايه لما جه يزورنى فى

المستشفى ؟ ( مخلوف يكمل كلامه بعد لحظه صمت )

قال انه أتفاجئ بالاسود دخله عليه المسرح .

صاحب 1  :اصل صاحب السيرك  كان طمعان فى الشهرة والفلوس

الكتير

مخلوف    : قدر الله وما شاء فعل ، بس انا لى عندكو طلب ؟

صاحب 2  : اامر

صاحب 1  : امرك ماشى

مخلوف    : تجيبولى فلوسى منه ، انتو عارفين انى مش هاقدر

اشتغل .

صاحب 1  : ولا يهمك احنا ها نكلمه وان شاء الله يكون خير

صاحب 2  : خير ان شاء الله .

مخلوف   : اوعوا تنسوا ،( بصوت مختلف )  لو كان عندى ولد

كان زمانه اتعلم وراح السيرك بدالى .

ابنته       : ( تظهر البنت فجأه ) وأنا البنت موجوده

مخلوف   : (اصحابه ينظرون الى ابنته فى دهشه ) ربنا يخليكى ليا

، بس انت لسه صغيره ، والشغلانه دى صعبه عليكى

ابنته       : ما تخفش عليا ،أنا قدها وقدود ،واللى ما اعرفوش

أتعلمه

صاحب 1  : وده وقت علام ؟

ابنته        : العلام فى كل وقت ،مش عيب ان احنا نتعلم

مخلوف    : بس الشغلانه دى عايزه اللى فاضى لها .

ابنته        : وأنا ما وارايش حاجه ، انت ناسى ياسى بابا ان احنا

فى أجازه ، والشغل مش عيب .

صاحب 2  : ربنا يخليها لك

مخلوف    : بس أنا خايف عليها

صاحب 1  : من ابه ؟

مخلوف    : اللعب فى السيرك مخاطره ، وما لوش أمان

صاحب 2  :احنا معاها

القزم       : (يظهر فى المكان ) وأنا مش ها سيبها ، هابقى معاها

زى ضلها ، راحت يمين أروح معاها يمين ،راحت

شمال أروح معاها شمال

مخلوف   : على خيرة الله .. الله ..الله ( صدى )

 

اظلام تدريجى

 

 

المشهد الرابع

 

( اضاءة  تدريجيه لنفس بؤرة الضوء ، ولكن هذه المرة

داخل السيرك حيث يجلس صاحب السيرك وأمامه

أصحاب مخلوف )

صاحب السيرك: لا ، مالوش حاجه عندى

صاحب 1  : بس هو اتصاب وهوه بيشتغل عندك

صاحب السيرك: مين قال الكلام ده ؟ !

صاحب 2  : انت عايز تكدب عنينا

صاحب السيرك : امتى

صاحب 1  : امبارح

صاحب السيرك : ولا شفته

صاحب 2  : ايه اللى انت بتقوله ده ، يعنى مش كفايه انك خليت بيه

وسيبته وسط الاسود

صاحب 1  : ايوه أنا مستعد أشهد انك فتحت عليه الاسود بعد ما كنتم

متفقين ان نمرة الاسود ملغيه

صاحب السيرك: حد قاله يوريهم وشه

صاحب 2  : أهو اعترفت بلسانك

صاحب السيرك: أنا ما ضربتوش على ايده ، حد قاله يوافق على

انه يشتغل بدل الاسد

صاحب 1  : ما أنت السبب

صاحب السيرك : انا السبب ازاى ، يعنى أنا لو قلتلك ارمى نفسك

فى البحر ترمى

صاحب 2  : بحر ايه طبعا مش هارمى نفسى

صاحب السيرك : ليه ؟ !

صاحب 2  : عشان عندى عقل بفكر بيه وشايف ان الكلام اللى انت

بتقوله غلط فى غلط

صاحب السيرك: أديك قلتها ، عندك عقل بتفكر بيه ، أنا ذنبى ايه ؟!

صاحب 1  : يعنى دى أخره الانسان اللى بيخلص فى عمله

زى مخلوف

صاحب السيرك: وحد قاله يورى وشه للآسود .

صاحب1   : وأنت تفتح عليه اقفاص الآسود ليه ؟

صاحب2   : مش وقت الكلام ده ، اسمع ( يقترب من صاحب

السيرك برأسه ) الراجل مكسور وعايزين نديله فلوسه

اللى اشتغل بيها عندك .

صاحب السيرك: وانا منعتكو ادوله فلوسه .

صاحب1   : ايدك .

صاحب السيرك: على ايه ؟

صاحب2   : على فلوسه .

صاحب السيرك: مالوش فلوس عندى .

صاحب1   : ليه ، انت عايزه يشتغل ببلاش.

صاحب السيرك: انا مابشغلش حد عندى ببلاش ، هو مخصوم منه

عشرين يوم .

صاحب2   : وخصمتهم منه امتى ؟

صاحب السيرك: امبارح بعد ما أخدوه المستشفى .

صاحب1   : يا راجل حرام عليك ، خصمت منه عشرين يوم ليه ؟!

صاحب السيرك: علشان كان فيه نمرة الحاوى ، الحاوى غاب

وماجاش وكنت عايزه يلعبها ، لكن أعمل ايه لغيت

النمره علشان حضرته راح المستشفى واضطريت أرجع

لكل واحد من الجمهور جنيه ،احسب بقي كام جنيه

رجعته ، وبعدين أنا مش ها لاقي حد زيه

ابنة مخلوف: أنا موجودة (تظهر فجأة لصاحب السيرك وأصحاب

ابيها)

صاحب السيرك: مين؟!

الأبنه      : أنا ياسمين بنت مخلوف.

صاحب السيرك: مين مخلوف؟!

صاحب1   : (لصاحبه) ها يرجع ويقول انه مايعرفهوش.

صاحب2   : اصله خايف لتكون جاياله عشان الفلوس.

الأبنه      : حرام أطالب بفلوس والدي .

صاحب السيرك: والدك مين؟!

صاحب2  : أصله لما يسمع سيرة الفلوس يتجن، ومايعرفش اللي

حواليه .

صاحب السيرك: ياله ياشاطرة شوفيلك سيرك غيره.

ياسمين    : بسرعة نسيت مخلوف وافضاله علي السيرك نسيت انه

عمل أسد وعرض نفسه للخطر عشان نمرة محمد الحلو

ما تتلغاش

صاحب السيرك: بس أنا ماعنديش فلوس .

صاحب 1  : ( متأهبا للانصراف ) طب احنا هانسيبك مع الاموره

ياسمين.

صاحب السيرك: ( مودعهما ) مع السلامه ، مع السلامه ( يمد يده

مصافحا ياسمين مطالبا بانصرافها مع الرجلين ) مع

السلامه .

ياسمين    : اسمعنى ، أنا هاقولك انا ها اعمل ايه

صاحب السيرك:  بقولك معاييش فلوس ، انتى تعرفى ياأموره أنا

فاتح السيرك ده عشان شوية الاسود والحيوانات اللى فيه

، لو قفلته هاياكلوا منين غلابه ، مش هايلاقوا ياكلوا ،

وبعدين ما عدش بيجيب فلوس( متصنعا الضعف )

كل يوم خساره ، كل يوم خساره ، فلوس رايحه فى

الهوا

ياسمين    : طب اسمعنى واللى يخليك تكسب فلوس كتير

صاحب السيرك: ما دمت ها كسب فلوس، أنا موافق أسمعك

ياسمين    : شوف أنت مش كنت من شويه بتقول لصاحب والدى

انك مش هاتلاقى حد زيه يشتغل فى السيرك

صاحب السيرك: ( يلاحظ ان القزم موجود فى أحداث المشهد فى

كل مكان ) ايوه ، ايه ، الحمد الله والدك شد حيله وبقى

تمام ، صحته بقت كويسه ، الحمد الله

ياسمين    : ما أنا قلتلك انا موجوده

صاحب السيرك: مش فاهم ما أنا كمان موجود

ياسمين    : أنا هاشتغل بداله

صاحب السيرك: ( ينظر اليها فى دهشه ) بتقولى ايه ، من تانى ،

بداله ، مش فاهم

ياسمين    : أنا هشتغل عندك فى السيرك

صاحب السيرك: وبعدين ، لما تشتغلى ، عايزة ايه ؟!!!

ياسمين    : ولا حاجه ، هاعوز ايه ؟

صاحب السيرك: الحمد لله أتيكى قولتيها ببقك ، ولا حاجه ، يعنى

أنت مش هاتعوزى فلوس ؟

ياسمين    : أمال احنا بنشتغل ليه ؟!

صاحب السيرك:  وبعدين أنا مش عايز حد يشتغل عندى ،

متشكرين .

ياسمين    : جربني وشوف ، هاخلى الفلوس تجرى فى أديك

وماتخلصش .

صاحب السيرك: ( يفكر ، ثم يعترض ) لا لا انا مش عايز حد

يشتغل عندى ، أنا خلاص

ياسمين    : خلاص ايه ؟!

صاحب السيرك: خلاص هاشتغل أنا

ياسمين    : أنت

صاحب السيرك: ايوه أنا ،ايه مانفعشي، أنا كل حاجة في السيرك

ده،حتي شوفي (يضع يده في سترته مقلدا البلياتشو) أنا

دلوقتي بلياتشو والناس دول أول ما يشفوني ها

يضحكوا(يقلد البلياتشو في مشيته، ثم يقف عن المشي

منتظرا سماع ضحكات المشاهدين، لكنهم

لايضحكون) أنا عارف هما ليه ما بيضحكوش علشان

أنا مش حاطط علي وشي الوان أحمر وأخضر

(ياسمين تقف لا تتكلم، تشاهده، ولاتضحك) استنى أنا جايلك .

(يخرج ..)

ياسمين    :(تجرى ورأه) استنى،اسمعنى( تعود) يا خبر لو عرف

يمثل دور البلياتشو، ايه اللى ها يحصل لنا أنا ووالدى ،

هانعيش أزاى ده راجل طماع ومابيحبش الا نفسه ، (

تشجع نفسها ) لكن ولو هاستنى واشوفه هايعمل ايه

أناعارفه أنه مش هايقدر يعمل حاجه

صاحب السيرك: ( يدخل فى زى المهرج وقد لطش وجهه بمساحيق

الالوان ) انتي لسه واقفه هنا ( يظهر بوضوح ضخامة

جسم صاحب السيرك وعدم قدرته على المشى داخل

رداء البلياتشو ) انا بلياتشو ( يحاول ان يقفز فى الهواء

لكنه يقع ) آه مش قادر ( تتدخل ياسمين وتمسك به

وتحاول انهاضه ، فينهض ويقف على قدميه مرة ثانيه )

انا بلياتشو ( يعود فيحاول النهوض ، لكنه يقع )

ياسمين    : ( تتجه اليه لمساعدته ) انت اللى جبته لنفسك حد قالك

تعمل فى روحك كده

صاحب السيرك: ( يقف على قدميه وما زال ممسكا بيد ياسمين )

اوعى تفتكرى انى مش هاقدر اعمل اللى كان بيعمله

والدك ، دانا اقدر امشى على الحبل ، شوفى انا ها تخيل

ان هنا حبل ( يشير الى خشبة المسرح ) طبعا انا عارف

ان الحبل متعلق فوق فى الهواء ، لكن انا دلوقتى

هاوريكى ان انا لا يهمنى الحبل فوق فى الهواء ولا على

الارض ( يحاول المشى على الحبل الوهمى الذى تخيله

على خشبة المسرح ) صحيح انا ممكن مانفعش بلياتشو

، لكن ممكن انفع أمشى على الحبل ( يحرك نفسه فوق

الخط الوهمى ) شفتى ( يقع )  آه  ( يتألم ) ايدك ( يمد

يده لها ) آه ايدك ساعدينى ( تقترب منه ياسمين وتمسك

بيده وتنهضه ) أنا موافق بس على شرط

ياسمين    : وانا موافقه

صاحب السيرك: استنى الاول واسمعى شرطى ايه

ياسمين    :  ايه؟ هايكون ايه ؟ ، مش ها تدفعلى فلوس الا بعد

صاحب السيرك: ( مقاطعا ) الا بعد ما يشوفك الجمهور مره واتنين

وتلاته وأربعه وينبسط منك

ياسمين    : وانا بقولك انا موافقه

صاحب السيرك: وهاتشتغلى زى ما كان ابوك بيشتغل

ياسمين    : وانا موافقه

صاحب السيرك: ها تعملى بلياتشو

ياسمين    : وانا موافقه

صاحب السيرك: ها تمشى على الحبل

ياسمين    : وانا موافقه

صاحب السيرك : وما فيش فلوس

ياسمين          : وانا مش موافقه

 

اظلام

 

 

 

 

 

 

المشهد الخامس

 

( الابنة ياسمين . داخل السيرك تتعرف على السيرك ، بحيواناته المختلفة ، فرحة ، مع بقية اصدقائها ، من خلال مشهد راقص توضح فيه معانى اهمية اسعاد الاخرين ، وتدعوا الحيوانات والعاملين بالسيرك الاهتمام بنظافته ………. )

ياسمين    : هنا اسد

وهنا فيل

هنا حكايات

وتفانين

الفيل      : هنا جمالات

وياسمين

بنات قمرات

وحلوين

ياسمين    : هانلعب العاب

سكر نبات

القرد      :  ياله يا بنات

ياله يابنات

 

 

 

اظلام

 

 

 

المشهد السادس

 

( صاحب السيرك يقف متضايق وبجواره القزم )

صاحب السيرك: اف .. انا السبب

القزم      : اصبر زمانها جايه

صاحب السيرك: النمره ها تبدأ

القزم      :   أصبر شويه

صاحب السيرك: انا ها طردها

القزم      : هيه لسه اشتغلت عندك عشان تطردها وبعدين انت لاقى

غيرها.

صاحب السيرك: هوه يعنى كمنى مش لاقى غيرها ها تتعبنى ، انا
قلت من الاول اشتغل انا ، مرتضوش

القزم      : قصدك ماتعرفش كان ايه اللى ها يحصل

صوت المزياع الداخلى: والان نقدم لكم الطفله المعجزه ياسمين فى

نمرة جديدة الهيلا ..هوب

صاحب السبرك: ايه الى بيحصل ده ، نمره جديده من غير ما

اعرف

القزم      : ياله بينا نتفرج

صاحب السيرك: والله لخاصم منها عشرين يوم عشان مابتسمعش

الكلام

القزم      : تانى !!!!

 

 

اظلام

 

 

 

المشهد السابع

 

( رقصه الهيلاهوب ، البنت ياسمين والبنات فى

استعراض وغناء ويدخل بينهم القزم فى نهاية

الاستعراض ) ..

صاحب السيرك: ( فى نهاية الاستعراض ) ايه ده .ايه ده !!!!!!

ياسمين    : ايه رأيك ؟

صاحب السيرك: هيا صحيح نمره جديده وجميله ، لآ مش جميله

صحيح الجمهور صقف كثيرا وكان مبسوط ،  بس انا

اعمل الرقصه دى احسن منها، وبعدين انا ماكنتش

موافق على النمره دى ، وبعدين انت مخصوم منك

عشرين يوم ..

ياسمين    : ليه ؟ !!!

صاحب السيرك: من غير ليه ؟ وبعدين مش كفايه انك تقدمى

الهيلاهوب ..

ياسمين    : يعنى ايه ؟

صاحب السيرك: يعنى لو عايزه تشتغلى عندى تعملى كل حاجه فى

السيرك .

ياسمين    : كل حاجه .

صاحب السيرك : زى والدك  ماكان بيعمل كل حاجه( يمشى على

المسرح)

ياسمين    : زى والدى !!! ( تمشى معه )

صاحب السيرك: حتى ولو كان المشى على الحبل

ياسمين    : حتى ولو كان المشى على الحبل؟ ( يمشى معهما

القزم منتبها لحوارهما )

صاحب السيرك: حتى ولو كان الاسد

القزم      :  ( صائحا ) لآ .لآ .. الا الاسد

ياسمين    : حتى ولو كان الاسد

اظلام

 

 

 

 

 

 

المشهد الثامن

 

( موسيقى والمسرح يفتح على مشهد الحبل ،

والاستعدادات قائمه والعمال بعد الانتهاء يخرجون من

المشهد بينما يبقى صاحب السيرك والقزم ينظرون الى

الحبل ، والقزم مهتم جدا عن صاحب السيرك بأمان

الحبل ) .

القزم   : ( يتجه ناحية البداية للحبل ) .

صاحب السيرك: انت بتعمل ايه ؟

القزم    : بتطمن

صاحب السيرك: بتتطمن على ايه ؟

القزم    : على سلا متها

صاحب السيرك: دى بنت شاطرة . ومش مهم اللى انت مهتم بيه .

الفزم    : قصدك ايه ؟

صاحب السيرك: يعنى مش ضرورى الشبكة اللى بتتحط تحت .

القزم    : اللى انت بتقوله كلام خطير

صاحب السيرك: ( يضع يده فوق كتف القزم ليوضح له مقصده )

الجمهور بيحب الحاجات الصعبه دى ، انت عارف

فى الدول اللى بره لما تكون فيه نمره من غير  شبكة

الامان التذاكر تبقى غاليه

القزم     : انت همك الفلوس وبس

صاحب السيرك: انت مش فاهمنى

القزم     : اسمع

صاحب السيرك : انت صدقت اللى بقوله ، أهو كلام

القزم     : بحسب ، هي حياة البنت لعبه ، مش كفايه انها بتعرض

نفسها للخطر عشان والدها

صاحب السيرك : الشغل مش عيب

القزم     : عايز تقول ايه ؟

صاحب السيرك: انا ولا حاجه

القزم     : احنا ها نفضل هنا ولا ايه؟ ، مش نروح نستريح  شويه

لحد ما يجى الليل والسيرك يشتغل

صاحب السيرك: آه .آه .معاك حق .

( ينصرفان .. الاضواء تطفأ،  وتمر لحظات قصيره من

الصمت ، نرى بعدها صاحب السيرك يدخل متلصصا

الى نفس المكان  مع ضوء خفيف يظهر حركته داخل

السيرك )

آه ، الكل روح ، الحمد الله

صوت خارجى: ( الصوت يشبه صوت الضمير الذى تعودنا أن

نسمعه فى الحكايات عندما يحاسب الانسان نفسه )

الحمد الله على ايه ؟ !

صاحب السيرك: ( متلفتا حوله باحثا عن مصدر الصوت )

انت مين ؟

الصوت الخارجى: انا صاحب السيرك

صاحب السيرك: أمال انا أبقى ايه  اذاكنت انت صاحب السيرك؟!

الصوت الخارجى: ما هو انا ابقى انت

صاحب السيرك:  ( ينظر الى نفسه ويمسك أجزاء جسمه ويدعك

عينيه للتحقق من وجوده ) اظاهر انى انا باحلم ( يتجه

ناحية بداية الحبل ) أيوه من هنا

الصوت الخارحى:  انت بتعمل ايه ؟!

صاحب السيرك: ما فيش ، ما فيش ، ما بعملش حاجه ، ايدى أهيه

( يرفع يده فى الهواء ) ارتحت .

الصوت الخارجى: لآ مارتحتش

صاحب السيرك: ( يحدثه باحثا عنه ) يا عم انت عايز منى ايه ؟ !

سيبنى فى حالى

الصوت الخارجى: انت عايزنى اسيبك فى حالك ؟

صاحب السيرك: أيوه . أيوه ، سيبنى فى حالى

الصوت الخارجى: انا ها سيبك ، بس اعرف ان ضميرك مش

موافق على اللى انت بتعمله ، ايه ( يزعق ) انت بتحب

الشر ( صاحب السيرك ينزعج فى وقفته ) انا عايزك

دايما تبقى مبسوط من الى انت بتعمله

صاحب السيرك: انا دايما مبسوط من اللى انا باعمله ، سيبنى انت

ومتشكرين على النصيحة . ( صاحب السيرك يتجه

الى الحبل ويفك اجزاء منه )

صوت المذيع الداخلى: والآن سيداتى أنساتى سادتى معكم البنت

ياسمين فى نمرتها الجديدة ،المشى على الحبل ،

هيا ادخلوا وشاهدوا معنا بنت صغيرة تمشى على الحبل

من غير ما تخاف .

صاحب السيرك:  (وهو ما زال ممسكا بالحبل) ايه اللى أنا بعمله

ده، وعشان ايه،لأ (يقوم باعادة ما فكه) لأ فين

ضميرى،(زاعقا)لا .لا. لا

(المسرح يغرق في الأضواء المبهرة وأصوات

الجمهوروالطبول استعدادا لنمرة ياسمين، ياسمين تتجه

الى ناحية البداية) ها تبدأ،

(يبحث في كل مكان عنلقزم، يلاقيه قادما من الأتجاة

الأخر) انت فين.

القزم     :  عايز ايه.؟

صاحب السيرك: مش واقته.

(البنت تبدأ المشى على الحبل، وصاحب السيرك ينظر

اليها باهتمام، ودقات الطبول مستمرة، والكل متعلق

ببصرة بها، البنت تتأرجح، وصاحب السيرك يقلق

كثيرا عليها، وعندما تنتهى النمرة يجرى صاحب

السيرك عليها ويمسكها قبل الوقوع) الحمد الله (

وتصفيق من الجميع) الحمد لله.

الصوت الخارجى:عرفت امتي تقول الحمد لله .

البنت     : (تبحث عن مصدر الصوت) صوت مين ده اللي انا

سامعاه.

صاحب السيرك: ده صوت . صوت الضمير .(القزم يأتى ويأخذ

ياسمين ويتجه ناحية الجمهور)

صاحب السيرك: أنتو رايحين فين.؟

القزم     : رايحين للناس اللى بتحبنا.

صاحب السيرك: وأنا ؟.

القزم     :  أنت مش مننا.

:   ( مجموعة الحيوانات تدخل ) استنوا احنا جايين معاكوا

صاحب السيرك:  لأ أنا منكم

القزم     : انت وشك مكشر

صاحب السيرك:  أنا من النهارده هاخلع الوش المكشر

(يخلع القناع من على وجهه) وأبقى بالوش الحقيقى، أنا

باحبكو، أنا حتخلى عن كل حاجه وحشه أنا كنت

باعملها، وهادى لكل واحد حقه، حتى شوفوا

القزم     : انت جشع وبتحب الفلوس وانانى

صاحب السيرك: (يقوم برمى أشياء من على جسده موضحا لهما

ماهى)

أدى حب الفلوس والجشع، أهو اتخليت عنه، وأدى

كمان حب الذات والأنانيه، ايه رأيكوا؟

الجميع       :     رأينا أنك دلوقت بقيت زينا.

 

تمت

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى